sgusers2的部落格

下星期就到「哈囉喂」萬聖節，文件倉咁高興梗係要約埋班朋友扮鬼狂歡，搞個依嘩鬼叫派對。想影低搞鬼靚相，又怕燈光昏暗兼冇Feel？小記一於用新鮮熱辣�Nikon D5300，示範點樣潮拍嘩鬼，仲可利用機內Wi-Fi功能，將「鬼相」即刻Share畀人。售價：待定即拍即Share難得有機會扮鬼開Party，影完相梗係要同人分享，D5300貼心地加入Wi-Fi功能，屬Nikon首部內置Wi-Fi的單反。用家只要於手機安裝《Wireless Mobile Utility》App，透過Wi-Fi連接相機即可遙控拍攝，又或者將靚相無線過落手機分享到社交網絡。新機更植入GPS定位系統，助你記錄拍攝坐標，去過邊度影嘩鬼都一清二楚。嫌仲未夠Feel的話，可利用內置9種濾鏡如玩具相機、HDR油畫效果等，幫大家發揮創意。減省低通濾鏡雖然手機Snapshot方便，但在昏暗派對環境中，點都係單反可靠得多。新機用上2,420萬像素感光元件，並減省低通濾鏡（Low Pass Filter），藉此提升成像細緻度和銳利度，仲可拍埋1,080@60p影片添！配合EXPEED 4影像處理器，提供每秒5張連拍速度，畀你捕捉嘩鬼或被嚇者表情；感光度更支援最高Hi 1（ISO 25,600），就算現場環境幾暗都能應付自如。「靈異」嚇存倉三式就咁�派對同嘩鬼合照，似乎太過單調，又欠缺節日氣氛。一於傳授各位「靈異」嚇鬼三式，萬聖節當日將靚相Share上網，肯定個個畀Like。第一式：加Gel紙臉都青如想加強驚嚇氣氛，最簡單做法是在閃光燈加上唔同顏色�Gel紙，首選當然係營造出陰森效果�綠色Gel紙，再將閃光射到主體身上，嘩鬼變成青光臉，更添氣氛。58mm F1.4G標準鏡王售價：待定第二式：慢快門玩鬼影想拍出半透明的鬼影效果，可預設約10秒慢快門，配合Wi-Fi以手機遙控Shutter拍攝，主體只需在首5秒保持不動，然後立即離開取景範圍，就可拍出半透明的詭異效果。第三式：多重曝光分身一隻鬼嚇你唔到？不如變多幾隻出�啦！先利用腳架固定相機，再以多重曝光模式拍攝，便可將多個鬼影疊於同一畫面。規格表感光元件：2,420萬像素CMOS轉換系數：1.5倍屏　　幕：3.2吋103.7萬像素快　　門：1/4,000~30秒感光度：ISO 100~25,600體　　積：125×98×76mm重　　量：480g同場加映58mm F1.4G標準鏡王除了D5300，近期仲有一支AF-S Nikkor 58mm F1.4G新標準鏡王，適合全片幅相機使用，支援F1.4大光圈，無懼昏暗環境。撰文：黎子豪　攝影：郭凱敏查詢電話：2907 1122儲存